It bestjoer fan de stifting Slach by Warns woe yn 2021 gjin betinking organisearje y.f.m. it koroanafirus. Mei in relatyf leech oantal besmettingen yn ’e neisimmer en de mooglikheden fan oardel meter op it Reaklif, dielde de Jongfryske Mienskip de soargen fan it stiftingsbestjoer net en keas derfoar om dochs in betinking te organisearjen. Hoewol’t de stifting trochjûn hie dat der gjin betinking wêze soe en sadwaande in protte minsken thús bleaunen, kamen der lykwols sa’n hûndert (foaral jonge minsken) nei it Reaklif ta.
De Jongfryske Mienskip kiest gjin partij yn it koroanadebat. De betinking waard holden omdat it bestjoer fan de Jongfryske Mienskip de kontinuïteit fan de jierlikse betinking wichtich fynt.
